SİYASƏT


DAĞLIQ QARABAĞ MÜNAQİŞƏSİ AZƏRBAYCANIN ƏRAZİ BÜTÖVLÜYÜ ÇƏRÇİVƏSİNDƏ HƏLL OLUNMALIDIR

Oktyabrın 14-də Milli Məclisin sədri Murtuz Ələsgərov Qara Dəniz İqtisadi Əməkdaşlıq Təşkilatı Parlament Məclisi sədrinin müavini Salih Kapusuzu qəbul etmişdir.

Qonağı səmimi salamlayan Murtuz Ələsgərov demişdir ki, Azərbaycan hökuməti prezident seçkilərinin tam demokratik və şəffaf keçirilməsi üçün lazımi tədbirlər görmüşdür. Avropa standartlarına cavab verən Seçki Məcəlləsi qəbul olunmuşdur. Bu seçkilərin ölkəmiz üçün mühüm əhəmiyyət kəsb etdiyini vurğulayan Milli Məclisin sədri demişdir ki, bu prosesi minə yaxın beynəlxalq və 42 min yerli müşahidəçi izləyəcəkdir.

Azərbaycan-Türkiyə əlaqələrinə toxunan parlamentin sədri bildirmişdir ki, qardaş ölkə ilə münasibətlərin inkişafı bizim üçün xüsusi əhəmiyyətə malikdir.

Azərbaycanın üzləşdiyi ən ağrılı problemin - Dağlıq Qarabağ münaqişəsinin həllində Türkiyənin rolunu yüksək qiymətləndirən Murtuz Ələsgərov QİƏT PM-nin də məsələyə ciddi yanaşmasının vacibliyini qeyd etmişdir.

Ölkəmizə seçkiləri müşahidə etmək üçün gəldiyini bildirən Salih Kapusuz bu siyasi kampaniyanın Azərbaycan üçün xüsusi əhəmiyyət daşıdığını bildirmişdir. İndi bütün beynəlxalq ictimaiyyətin diqqəti Azərbaycana yönəlib. İnanıram ki, seçki tam demokratik və şəffaf keçiriləcəkdir. Salih Kapusuz demişdir ki, Türkiyə Azərbaycanın problemlərini dərk edir və Dağlıq Qarabağ münaqişəsi Azərbaycanın ərazi bütövlüyü çərçivəsində həll olunmalıdır.

Sonra görüşdə qarşılıqlı maraq doğuran digər məsələlər ətrafında fikir mübadiləsi aparılmışdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.