ELM VƏ TƏHSİL


DİM: I-V ixtisas qrupları üzrə 26 mindən çox elektron ərizə təsdiq olunub

Bakı, 14 sentyabr, AZƏRTAC 

I qrup üzrə 15373, II qrup üzrə 7682, III qrup üzrə 17964, IV qrup üzrə 3757 abituriyent olmaqla ümumilikdə 44776 abituriyent 150 və daha yuxarı bal toplayaraq ixtisas seçimi etmək hüququ əldə edib.

Dövlət İmtahan Mərkəzindən (DİM) AZƏRTAC-a bildirilib ki, sentyabrın 14-ü saat 12:00-a olan məlumata əsasən, I ixtisas qrupu üzrə 6065, II ixtisas qrupu üzrə 4445, III ixtisas qrupu üzrə 6511, IV ixtisas qrupları üzrə isə 1481 olmaqla ümumilikdə 18502 elektron ərizə təsdiq olunub.

V ixtisas qrupu üzrə qabiliyyət imtahanları davam edir və hələlik 7552 ərizə təsdiq olunub. Qabiliyyət imtahanları sentyabrın 18-dək davam edəcək. Qabiliyyət imtahanlarının nəticələri imtahan verilən günün sonunda sistemə daxil edilir və abituriyentlər ixtisas seçimi edə bilirlər.

İxtisas seçiminin sonuna 1 həftə vaxt qalıb və 20 sentyabr saat 23:59-dək davam edəcək.

Abituriyentlərin (subbakalavrların) nəzərinə çatdırılır ki, müsabiqədə yalnız elektron ərizələrini təsdiq etmiş şəxslər iştirak edə biləcəklər.

Qeyd edək ki, müsabiqədə iştirak edənlər “Abituriyentin elektron ixtisas seçimi ərizəsi”nin doldurulma və təsdiq edilmə qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz fəaliyyət göstərən “Məsləhət mərkəzləri”nə müraciət edə bilərlər. “Məsləhət mərkəzləri” haqqında ətraflı məlumatla aşağıdakı linklərdən tanış ola bilərsiniz:

Ali təhsil müəssisələri və DİM-in regional bölmələri;

Rayon və şəhərlər üzrə səyyar Məsləhət Mərkəzləri.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.