ELM VƏ TƏHSİL


DİM-in Naxçıvan regional bölməsi seminar-məşğələlərə yekun vurub

Bakı, 18 yanvar, AZƏRTAC

Dövlət İmtahan Mərkəzinin (DİM) Naxçıvan regional bölməsi imtahanlara zal nəzarətçisi kimi cəlb ediləcək nəzarətçilərlə keçirilən seminarlara yekun vurub.

DİM-dən AZƏRTAC-a bildiriblər ki, seminarlar qrafik üzrə yanvarın 10–dan 17–dək davam edib. Muxtar respublikanın bütün şəhər və rayonlarında keçirilən seminarlarda Naxçıvan şəhəri üzrə 59, Şərur rayonu üzrə 40, Babək rayonu üzrə 37, Ordubad rayonu üzrə 22, Culfa rayonu üzrə 21, Şahbuz rayonu üzrə 9, Kəngərli rayonu üzrə 11, Sədərək rayonu üzrə isə 9 nəzarətçi iştirak edib. Muxtar respublika üzrə 3 nəfər üzrlü səbəbdən iştirak etməyib.

Seminarlar DİM–in Naxçıvan regional bölməsinin əməkdaşları tərəfindən keçirilib. Nəzarətçilərə imtahan qaydaları izah olunub, rast gəlinən hallar təhlil edilib. Nəzarətçilərin imtahan prosesi ilə əyani surətdə tanış olması məqsədilə əyani vəsaitlərdən istifadə edilib, imtahan texnologiyasına aid film göstərilib. Seminarlarda nəzarətçi-müəllimlərin sualları cavablandırılıb, şəxsi anket məlumatları dəqiqləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.