İDMAN


DÖRD FRANSIZ ALPİNİSTİ HƏLAK OLMUŞ, İKİSİ İSƏ AĞIR YARALANMIŞDIR

AZƏRTAC-ın müxbiri xəbər verir ki, Alp dağlarının İtaliya hissəsində dörd qadın və iki kişidən ibarət bir qrup fransız alpinisti yoxa çıxmışdır. Hava şəraitinin həddindən artıq pis olması onların axtarışına imkan verməmişdir.

İtaliyanın şimal-qərb hissəsində 4000 metr hündürlüyü olan Mon Roza dağının zirvəsini fəth etmək istəyən fransız alpinistləri vəd olunmuş vaxtda öz düşərgələrinə qayıtmamışlar. Xilasedicilər mobil telefonun köməyi ilə onlarla əlaqə yaratmaqa cəhd göstərsələr də, bu, baş tutmamışdır.

Xilasedicilər belə pis hava şəraitində alpiristlərin özlərinə bir sığınacaq tapacaqlarına ümidvar olduqlarını bildirmişlər.

İyulun 9-da əlverişli hava şəraitindən istifadə edən xilasedicilər sübh tezdən vertolyotlarla itkin düşmüş alpinistlərin axtarışına başlamış və dağın 3500 metr hündürlüyündə buzlar arasında dörd alpinistin meyitini və iki nəfəri ağır yaralı vəziyyətdə tapmışlar.

Yaralılar yaxınlıqdakı xəstəxanaya çatdırılmış və onlara təcili tibbi yardım göstərilmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.