CƏMİYYƏT


DOST RİM fərdi məlumat və informasiya sistemləri ilə bağlı fəaliyyət üzrə lisenziya alıb

Bakı, 1 iyul, AZƏRTAC

Əmək və Əhalinin Sosial Müdafiəsi Nazirliyinin DOST Rəqəmsal İnnovasiyalar Mərkəzi (DOST RİM) Rəqəmsal İnkişaf və Nəqliyyat Nazirliyindən "Fərdi məlumatların, informasiya ehtiyatlarının formalaşdırılması və informasiya sistemlərinin yaradılması, onlara xidmət göstərilməsi" fəaliyyət növü üzrə lisenziya alıb.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, təqdim olunmuş zəruri sənədlərin Rəqəmsal İnkişaf və Nəqliyyat Nazirliyi tərəfindən qanunvericiliyə uyğunluğu müəyyən edilərək lisenziyanın verilməsi təmin olunub.

Lisenziya müddətsiz təqdim edilib və onun əldə edilməsi DOST RİM-ə bir sıra üstünlük və imkanlar qazandırıb.

Bununla mərkəz sosial sahədə rəqəmsal həllərin geniş tətbiqi ilə qanunvericiliyə uyğun olaraq informasiya sistemləri və ehtiyatlarının formalaşdırılmasını, inkişafını təmin edəcək, bu sahədə xidmətləri həyata keçirəcək. Habelə “Fərdi məlumatlar haqqında” Qanuna uyğun olaraq fərdi məlumatların toplanılması və işlənilməsini təmin edəcək.

“DOST Rəqəmsal İnnovasiyalar Mərkəzi” Əmək və Əhalinin Sosial Müdafiəsi Nazirliyi sistemində informasiya texnologiyaları siyasətinin müəyyənləşdirilməsi, informasiya-kommunikasiya məsələlərinin vahid şəkildə idarə olunması, habelə qurumlar arasında informasiya bazaları ilə qarşılıqlı inteqrasiyanın həyata keçirilməsini təmin edir.

Mərkəz, həmçinin nazirlik üzrə e-xidmətlərin təşkili və dayanıqlılığının təmin edilməsi, informasiya sistemlərinin dəstəklənməsi və inkişaf etdirilməsi, IT sahəsində idarəetmənin təkmilləşdirilməsi istiqamətlərində fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.