CƏMİYYƏT


“DOST” mərkəzinin xidmətlərindən 3 mindən çox vətəndaş faydalanıb

Bakı, 27 may, AZƏRTAC

İlk “DOST” mərkəzinə elə ilk gündən vətəndaşlar tərəfindən böyük maraq müşahidə edilir. Fəaliyyətə başladığı gündən artıq 3 mindən çox vətəndaş müraciət edərək “DOST” mərkəzinin xidmətlərindən faydalanıb.

Vətəndaşların əksəriyyətini əlilliyi olan şəxslər, pensiyaçılar, müavinət və ya təqaüd alanlar, işsiz və işaxtaran vətəndaşlar, muzdla çalışanlar təşkil edib. Onların müraciətləri pensiya və sosial sığorta, sosial müavinət və təqaüdlər, məşğulluq xidmətləri, əlillik, tibbi ekspertiza və reabilitasiya vasitələri ilə təminat, sosial xidmətlər və s. ilə bağlı olub.

Bu barədə AZƏRTAC-a Əmək və Əhalinin Sosial Müdafiəsi Nazirliyin ictimaiyyətlə əlaqələr və kommunikasiya şöbəsindən məlumat verilib.

Mərkəz Bakının Yasamal və Səbail rayonlarının əhalisi üçün nəzərdə tutulub. Burada əmək, məşğulluq, əlillik, sosial təminat sahələri üzrə "bir pəncərə"dən, şəffaf və operativ şəkildə, vahid standartlar əsasında 126 növdə xidmət göstərilir. Hər gün mərkəzə 350-400 arası vətəndaş müraciət edir. Xidmətlərdə əsas məqsəd vətəndaşların məmnunluğuna nail olunmasıdır.

2019-2025-ci illərdə Bakıda və ölkəmizin regionlarında 31 “DOST” mərkəzi istifadəyə veriləcək. Bütün “DOST” mərkəzləri yaradıldıqdan sonra vətəndaşların qeydiyyatından asılı olmayaraq, müraciət edən hər kəsə xidmətlər göstəriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.