CƏMİYYƏT


DSX-nin sərhəd gözətçi gəmisi dənizdə texniki nasazlıq yaranan “Xocean-2” aparatını təhlükəsiz əraziyə çıxarıb

Bakı, 21 may, AZƏRTAC 

“BP” şirkəti ilə bağlanmış müqavilə əsasında Xəzər dənizinin Azərbaycana mənsub sektorunda yerləşən neft-qaz boru kəmərlərinin sualtı yoxlanılmasını həyata keçiriən “Olimp Engeneering” şirkətinin “Xocean-2” aparatında mayın 21-də nasazlıq yaranıb. İdarəetməni itirməsi səbəbindən aparat küləyin təsiri ilə açıq dənizə doğru səmtlənib.

Dövlət Sərhəd Xidmətinin (DSX) mətbuat mərkəzindən AZƏRTAC-a bildiriblər ki, “Olimp Engeneering” şirkətinin rəhbərliyi aparatın axtarışında kömək göstərilməsi məqsədilə Xidmətin Sahil Mühafizəsinə müraciət edib.

Dövlət sərhədinin mühafizəsində olan 304-cü sərhəd gözətçi gəmisi “Xocean-2” aparatının axtarış tədbirlərinə cəlb edilib. İki saat davam edən axtarışlardan sonra aparat Neft Daşlarından 15 kilometr cənub-qərbdə aşkarlanaraq dalğalı hava şəraitində yedəyə alınıb və təhlükəsiz yerə gətirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.