CƏMİYYƏT


DSX rəisi helikopterin qəzaya uğraması nəticəsində yaralanan hərbçilərə baş çəkib

Bakı, 3 dekabr, AZƏRTAC

Dekabrın 3-də Dövlət Sərhəd Xidmətinin (DSX) rəisi general-polkovnik Elçin Quliyev hərbi helikopterin qəzaya uğraması nəticəsində yaralanmış və hazırda DSX-nin hərbi hospitalında müalicə alan polkovnik-leytenant Cəfərov Emil Məmməd oğluna və kapitan Ədilov Ramin Ramiz oğluna baş çəkib.

DSX-nin mətbuat mərkəzindən AZƏRTAC-a bildiriblər ki, general-polkovnik Elçin Quliyev hərbi qulluqçularla söhbət edib, onların səhhətləri ilə maraqlanıb, tezliklə sağalmalarını arzulayıb.

Hərbi qulluqçuların sağlamlıq durumu və müalicələrinin gedişi Dövlət Sərhəd Xidmətinin rəisinə məruzə olunub. Onların sağlamlıqlarının bərpası və qısa müddətdə xidmətə qaytarılmaları üçün bütün lazımi tədbirlərin görüldüyü bildirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.