DÜNYA


Daha bir mühacir karvanı ABŞ-ın cənub sərhədlərinə doğru irəliləyir

Bakı, 31 oktyabr, AZƏRTAC

Mərkəzi Amerikadan olan daha bir mühacir karvanı Qvatemala-Meksika sərhədini keçərək ABŞ-a doğru hərəkət edir.

AZƏRTAC Interfax informasiya agentliyinə istinadla xəbər verir ki, bu dəstədə 2 minə yaxın miqrant və qaçqın Meksika sərhədini keçməyə nail olub. Polislə mühacirlər arasında baş verən toqquşmalar zamanı bir nəfər ölüb. Birləşmiş Ştatların cənub sərhədlərinə yaxınlaşan bəzi mühacirlərdə odlu silah və partlayıcı qurğuların olduğu bildirilir.

Ötən həftə xəbər verilmişdi ki, miqrantların 7,2 min nəfərdən ibarət ilk dəstəsi Meksika üzərindən ABŞ-a doğru irəliləyir. Onların arasında Honduras, Salvador və Qvatemala vətəndaşları çoxluq təşkil edir.

ABŞ Müdafiə Nazirliyi Latın Amerikasından ölkəyə mühacir axınının qarşısını almaq üçün həftənin sonunadək cənub sərhədinə 5,2 min əsgər göndərəcəyini bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.