CƏMİYYƏT


Dahi şəxsiyyətin xatirəsi onun adını daşıyan zirvədə anılıb

Bakı, 5 may, AZƏRTAC

Azərbaycan xalqının ümummilli lideri, dahi şəxsiyyət Heydər Əliyevin anadan olmasının 98-ci ildönümü ilə əlaqədar Azərbaycan dağçılarından ibarət qrup “Heydər zirvəsi”nə qalxıb. Yürüşə Azərbaycan, Real və ARB televiziyalarının əməkdaşları da qoşulub.

Ekologiya və Təbii Sərvətlər Nazirliyinin mətbuat xidmətindən AZƏRTAC-a bildiriblər ki, ekologiya və təbii sərvətlər nazirinin müavini Firdovsi Əliyevin rəhbərlik etdiyi qrup üzvləri əvvəlcə Fəxri xiyabanda ulu öndər Heydər Əliyevin xatirəsini ehtiramla yad edib, məzarı önünə əklil qoyublar.

Böyük Qafqazın Başdağ silsiləsinin Qızıl Qaya massivinin mürəkkəb relyefinə baxmayaraq, qrup üzvləri yüksək əhval-ruhiyyə və qürurla “Heydər zirvəsi”nə qalxaraq dahi şəxsiyyətin barelyefi önünə gül dəstələri düzüb, Ümummilli Liderin əziz xatirəsini yad edib və Azərbaycan bayrağını dalğalandırıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.