DÜNYA


Danimarkada növbəti partlayış törədilib

Bakı, 10 avqust, AZƏRTAC 

Danimarkanın paytaxtı Kopenhagendə növbəti partlayış törədilib. AZƏRTAC Reuters agentliyinə istinadla xəbər verir ki, yerli polisin məlumatına görə, şəhər mərkəzindən aralıda törədilmiş partlayış nəticəsində xəsarət alan olmayıb. İnsidentin baş verdiyi binanın içərisində olan iki nəfər zərər görməyib, lakin binanın fasadı dağılıb və pəncərələri qırılıb. Polis son günlər artıq sayca dördüncü olan bu partlayışın qəsdən törədildiyini bildirib. Hazırda cinayətkarların yaxalanması istiqamətində axtarış-əməliyyat tədbirləri həyata keçirilir.

Kopenhagendə ilk partlayış avqustun 6-da paytaxtın Esterbru rayonunun vergi idarəsi binasının qarşısında törədilib. Hüquq-mühafizə orqanları hesab edirlər ki, bu terror aktlarını təşkil edənlər şəhər əhalisi arasında təşviş yaratmaq istəyirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.