CƏMİYYƏT


Danimarkada uşaqlara həsr olunan tədbir keçirilib

Stokholm, 4 dekabr, AZƏRTAC

Kopenhagendə bu ölkədə fəaliyyət göstərən "Danimarka uşaqlılar kültür və dayanışma dərnəyi" diaspor təşkilatı tərəfindən uşaqlara həsr olunan tədbir keçirilib.

AZƏRTAC xəbər verir ki, təxminən 1200 insanın qatıldığı tədbirdə ölkəmizi burada fəaliyyət göstərən Vətən Cəmiyyəti təmsil edib.

Bir sıra yerli türkdilli icma və diaspor təmsilçilərinin, siyasətçilərin, parlament üzvlərinin, yerli KİV nümayəndələrinin qatıldığı tədbir uşaqlara həsr olunmaqla yanaşı, tutduğu siyasi mövqedən asılı olmayaraq Danimarkada yaşayan bütün türkdilli xalqların vahid ideya ətrafında birləşərək fəaliyyət göstərməsi çağırışları ilə yadda qalıb.

Tədbirdə çıxış edən "Danimarka uşaqlılar kültür və dayanışma dərnəyi"nin rəhbəri Ömər Kantin, türk xalqlarını birləşdirən birgə dəyərlərdən danışıb. Xaricdə yaşayan türk əsilli uşaqların milli ideya və amal əsasında düzgün tərbiyə olunmasının xalqlarımızın gələcəyi baxımından əhəmiyyətli olduğunu vurğulayıb.

Sonra çıxış edən Danimarka Vətən Cəmiyyətinin sədri Səfər Sadiqi keçirilən tədbirin əhəmiyyətini qeyd edib. O, qardaşlıq rəmzi olaraq “Danimarka uşaqlılar kültür və dayanışma dərnəyi”nin rəhbəri Ömər Kantinə Azərbaycan bayrağını təqdim edib.

Uşaqlara sevgi və diqqətdən danışan Səfər Sadiqi Danimarka Vətən Cəmiyyətinin də uşaqların vətənpərvər tərbiyə olunması istiqamətində bir sıra addımlar atdığını diqqətə çatdırıb, Cəmiyyətin nəzdində yaradılan “Cırtdan” yaradıcılıq qrupunun fəaliyyətindən söz açıb.

Qeyd edək ki, tədbirin bədii hissəsində “Cırtdan" uşaq yaradıcılıq qrupunun çıxışları mərasimdə iştirak edənlərin böyük marağına səbəb olub.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.