Danimarkanı ilk Avropa Oyunlarının çimərlik yarışlarında təmsil edəcək qadınlardan ibarət cütlük müəyyənləşib

Bakı, 28 aprel, AZƏRTAC

AZƏRTAC “Bakı-2015”ə istinadla xəbər verir ki, Danimarka qadınların mübarizəsində də birincilik uğrunda yarışacaq. Belə ki, ölkə ilk Avropa Oyunlarına Trans Hansen – Helle Sondergard cütlüyünü yollayacaq.

Danimarka Voleybol Federasiyasının çimərlik voleybolu elitasının direktoru Lars Meylənd bildirib ki, Layn və Helli ölkə çempionatında, beynəlxalq və qitə kuboku yarışlarında sabit nəticələr göstərirlər: “Mən onların Avropa Oyunları kimi nəhəng turnirdə oyunlarını səbirsizliklə gözləyirəm”.

Qeyd edək ki, Danimarka “Bakı-2015” ilk Avropa Oyunlarında çimərlik voleybolu yarışlarında kişilərin mübarizəsində Kildeqaard Andersen və Kristoffer Abell cütlüyü ilə təmsil olunacaq.