MƏDƏNİYYƏT


Daşkənddə “Tashkent travel mart” turizm sərgi-konfransında Azərbaycan da iştirak edib

Daşkənd, 16 aprel, AZƏRTAC

Daşkənddə “B2B” formatında keçirilən “Tashkent travel mart” sərgi-konfransında Azərbaycan da təmsil olunub.

AZƏRTAC xəbər verir ki, sərgi-konfransda Azərbaycanla yanaşı, Özbəkistan, Gürcüstan, İspaniya, İsveçrə, İtaliya, Rusiya, Birləşmiş Ərəb Əmirlikləri, Cənubi Koreya və digər ölkələrin turizm şirkətləri iştirak edib.

Tədbirdə ölkəmizi “Ubm Group” turizm şirkətinin nümayəndəsi Tamar Akhalbedaşvili təmsil edib.

Sərgi-konfransda iştirakçı turizm firmaları öz xidmətləri haqqında məlumat verib, digər ölkələrin turizm şirkətlərinin nümayəndələri ilə əməkdaşlıq haqqında müzakirələr aparıb, sənədlər imzalanıb.

Xarici turizm şirkətlərinin Azərbaycanın turizm sənayesinə böyük maraq göstərdiyini bildirən Tamar Akhalbedaşvili bu şirkətlərlə əməkdaşlığın öz bəhrəsini verəcəyinə əminliyini ifadə edib.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.