MƏDƏNİYYƏT


Daşkənddə azərbaycanlı uşaqlar üçün Yeni il şənliyi keçirilib

Daşkənd, 31 dekabr, АZƏRTAC

Daşkənddəki Heydər Əliyev adına Azərbaycan Mədəniyyət Mərkəzində (AMM) bu ölkədə yaşayan azərbaycanlı uşaqlar üçün Yeni il şənliyi keçirilib.

AZƏRTAC xəbər verir ki, şənlikdə 100-ə yaxın azərbaycanlı uşaq iştirak edib.

Mədəniyyət Mərkəzinin əməkdaşı Kifayət Pirməmmədova uşaqları Yeni il bayramı münasibətilə təbrik edib, onlara yaxşı oxumağı, xoşbəxt həyat sürməyi arzulayıb.

Sonra bayram tamaşası göstərilib, Şaxta baba və Qar qız təxminən iki saat ərzində uşaqları əyləndirib. Şənlikdə uşaqlar Yeni illə bağlı şeirlər söyləyib, mahnı oxuyub, rəqs ediblər. Mərkəzin nəzdində fəaliyyət göstərən “Azərbaycan qızları” ansamblının üzvləri milli rəqslərimizi ifa ediblər.

Sonda Şaxta baba və Qar qız tərəfindən uşaqlara Yeni il hədiyyələri təqdim olunub.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.