SİYASƏT


Daşkənddə yaşayan soydaşlarımız Sırdərya vilayətindəki qəzadan zərərçəkənlərə yardım göndəriblər

Daşkənd, 5 may, АZƏRTAC

Özbəkistan Millətlərarası Münasibətlər və Xarici Ölkələrlə Dostluq Komitəsində təmsil olunan milli mədəniyyət mərkəzləri Sırdərya vilayətindəki Sardoba su anbarında baş verən qəzadan zərərçəkənlərə yardım göndəriblər.

AZƏRTAC xəbər verir ki, yardıma qoşulan mədəniyyət mərkəzləri arasında Daşkənddəki Respublika Azərbaycan Milli Mədəniyyət Mərkəzi (RAMMM) də var.

RAMMM Daşkənddəki azərbaycanlılar adından fəlakət zonasına ərzaq malları, gigiyenik vasitələr, dəftərxana ləvazimatı göndərib.

RAMMM-nin sədri Firdovsi Hüseynov deyib: “Biz Özbəkistanda yaşayan azərbaycanlılar bu xeyriyyə aksiyasından kənarda qala bilməzdik. Ona görə də imkanlı adamlarımız özləri təşəbbüs göstərdilər və biz də fəlakətə düçar olan adamlara öz kömək əlimizi uzatdıq”.

Xatırladırıq ki, mayın 1-də səhər saatlarında güclü yağış və külək nəticəsində Sardoba su anbarındakı bəndin bir hissəsi dağılıb,

yaşayış məntəqələrinə, kommunikasiya şəbəkələrinə, yollara, kənd təsərrüfatı sahələrinə böyük zərər dəyib. Qəzadan sonra zərərçəkən 60 adam xəstəxanaya yerləşdirilib.

 

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.