MƏDƏNİYYƏT


Daşkənddəki festivalda Azərbaycan da təmsil olunub

Daşkənd, 29 oktyabr, АZƏRTAC

Daşkənddəki iki nömrəli Cahan Dilləri Liseyində “Xalqların adət-ənənələri və mədəniyyət” adlı festival keçirilib.

AZƏRTAC xəbər verir ki, Özbəkistandakı səfirliklərin və mədəniyyət mərkəzlərinin qatıldığı festivalda ölkəmizi Daşkənddəki Heydər Əliyev adına Azərbaycan Mədəniyyət Mərkəzi təmsil edib.

İştirakçılara festival haqqında məlumat verilib.

Liseyin həyətində Azərbaycan üçün ayrılan guşədə ölkəmizin bayrağı, ulu öndər Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, Azərbaycanın tarixi və mədəniyyəti ilə bağlı əsərlər nümayiş etdirilib. Azərbaycan milli mətbəxinə aid təamlar, həmçinin şirniyyatlarımız da maraqla qarşılanıb.

Konsert proqramında Mədəniyyət Mərkəzinin nəzdindəki "Azərbaycan qızları" rəqs ansamblının üzvləri milli rəqslərimizi ifa ediblər.

Tədbirin sonunda fəal iştirakçılara diplomlar təqdim olunub. Onların arasında AMM də olub.

 

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.