“Davam” Gənclər Hərəkatı #HeydarAliyev həştəqini qlobal gündəmə çevirib

Bakı, 12 may, AZƏRTAC

“Davam” Gənclər Hərəkatı ümummilli lider Heydər Əliyevin anadan olmasının 99-cu ildönümü ilə əlaqədar olaraq tviter sosial media platforması üzərindən “Heydər Əliyev 99” adlı kampaniyaya start verib.

“Davam” Gənclər Hərəkatından AZƏRTAC-a bildiriblər ki, kampaniya çərçivəsində #HeydarAliyev, #HeydərƏliyev99, #davam2022 həştəqləri ilə Ulu Öndərin həyat və fəaliyyətinə həsr olunan müxtəlif tvitlər paylaşılıb.

Qeyd olunub ki, bu tvitlər yarım milyondan çox istifadəçiyə çatıb. Xüsusilə 58 mindən çox tvitdə istifadə olunan #HeydarAliyev həştəqi tviterin ölkə və qlobal səviyyədə, yəni dünya gündəminə çevrilib.