SİYASƏT


David Zalkaliani: Komissiya işini tamamlayana qədər heç kim “Keşikçidağ” məbədi ilə bağlı şərh verməməlidir

Tbilisi, 27 may, AZƏRTAC

“Keşikçidağ” (David Qareci) məbəd-kompleksi ilə bağlı biz konkret olaraq bildirmişik ki, sərhədlərin delimitasiyası üzrə komissiya işini başa çatdırana qədər heç kim başqa bəyanatlar səsləndirməsin, məsələni səhv şərh etməsin.

AZƏRTAC xəbər verir ki, bu sözləri Gürcüstanın Xarici İşlər naziri David Zalkaliani söyləyib.

Nazir deyib: “Komissiyanın işinin bərpası çox vacib məsələdir. Uzun müddət idi bu komissiya işləmirdi. Amma artıq komissiya işini bərpa edib və ilk görüş keçirilib. İndi biz görüşün ikinci raunduna hazırlaşırıq. Komissiyanın əhəmiyyəti və məqsədi ondan ibarətdir ki, həmin ərazidə baş verən proseslərə dərhal, obyektiv reaksiya versin. Məhz komissiyanın qərarı ilə məbəd kompleksi ətrafında aparılan işlər dayandırılıb.

Biz çox qəti və konkret məsələ qoymuşuq. Komissiya işini başa çatdırana qədər heç kim məsələni şərh etməsin və proseslərə təsir göstərməyə cəhd göstərməsin.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.