İDMAN


Davud Məmmədsoy cüdo üzrə “Böyük dəbilqə” turnirinin qızıl medalını qazanıb

Bakı, 18 fevral, AZƏRTAC

Təl-Əvivdə start götürən “Böyük dəbilqə” turnirində cüdoçumuz Davud Məmmədsoy qızıl medal qazanıb.

AZƏRTAC xəbər verir ki, kişilər arasında 60 kiloqram çəki dərəcəsində gücünü sınayan cüdoçumuz bütün rəqiblərini məğlub edərək finala yüksəlib. Həlledici mərhələdə Gürcüstan təmsilçisi Temur Nozadze ilə mübarizə aparan D.Məmmədsoy onun üzərində inamla qələbə qazanaraq birinci yeri tutub.

Qeyd edək ki, turnirin birinci günündə 7 cüdoçumuz mübarizəyə qoşulub.

Fevralın 20-dək davam edəcək turnirdə 60 ölkədən 400-dən çox idmançı mübarizə aparır. Azərbaycan turnirə 15 idmançı ilə qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.