ELM VƏ TƏHSİL


Daxili müsahibələr yekunlaşıb: iki namizəd lazımi keçid balını toplaya bilməyib

Bakı, 9 oktyabr, AZƏRTAC

İqtisadiyyat Nazirliyi, Məhkəmə-Hüquq Şurası və Mədəniyyət Nazirliyində vakant dövlət qulluğu vəzifələrinin tutulması üçün müvafiq olaraq avqustun 20-də və 27-də, sentyabrın 5-də elan edilmiş daxili müsahibələr başa çatıb.

Dövlət İmtahan Mərkəzindən AZƏRTAC-a bildirilib ki, müsahibəyə təqdim olunan ən yüksək vəzifələr İqtisadiyyat Nazirliyinin Aparatında şöbə müdiri və sektor müdiri, Mədəniyyət Nazirliyinin Aparatında isə şöbə müdirinin müavini və sektor müdiri vəzifələri olub.

Müsahibələrdə iştirak etmək üçün qeydiyyatdan keçmiş 22 namizəddən 20-si vəzifəyə uyğun bilindiyi halda, 2-si lazımi keçid balını toplaya bilməyib.

Ümumilikdə müsabiqəyə təqdim olunmuş 12 vakant dövlət qulluğu vəzifəsindən 11 vəzifəyə 22 namizəd uyğun bilinmiş, 1 vəzifəyə isə heç bir namizəd uyğun hesab olunmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.