CƏMİYYƏT


Dekabrın 9-da ölkə ərazisində hava şəraitinin nisbətən sabitləşəcəyi gözlənilir

Bakı, 6 dekabr, AZƏRTAC

Dekabrın 7-də və 8-də ölkə ərazisində qeyri-sabit hava şəraiti müşahidə olunacaq. Arabir yağış, dağlıq və dağətəyi rayonlarda qar yağacaq. Bəzi bölgələrdə yağıntının intensiv olacağı gözlənilir.

Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova məlumat verib.

“Qeyri-sabit hava şəraiti dekabrın 9-dək davam edəcək. Dekabrın 9-u gündüzdən etibarən ölkə ərazisində hava şəraitinin sabitləşəcəyi, gün ərzində əsasən yağmursuz olacağı ehtimalı var. Hava şəraiti nisbətən mülayimləşsə də, temperatur rejimində ciddi dəyişiklik gözlənilmir”, - deyə G.Məmmədova qeyd edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.