“DəmirBank” Bayıl filialının yeni ofisini açıb

Bakı, 4 dekabr, AZƏRTAC

“DəmirBank” Bayıl filialının yeni ofisini açıb.

Bankdan AZƏRTAC-a verilən məlumata görə, Bakı şəhəri, İ.Məmmədov küçəsi, 2a ünvanında yerləşən Bayıl filialında müştərilərə hesablaşma-kassa əməliyyatları, əmanətlər, müxtəlif növ istehlak və biznes kreditləri, plastik kartlar, pul köçürmələri, kommunal, rabitə və digər xidmətlər göstəriləcək.

Hazırda “DəmirBank”ın 33 filialı mövcuddur. Ölkənin ilk kommersiya banklarından olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.