“DəmirBank” yanvar ayının nəticələrini açıqlamışdır

Bakı, 14 fevral (AZƏRTAC). Fevralın 1-nə olan məlumata görə, “DəmirBank”ın aktivləri 412,3 milyon manat təşkil etmişdir. Müştərilərə verilən kreditlərin həcmi isə 33,5 milyon manat və ya 12,1 faiz artaraq 311,1 milyona çatmışdır.

Bankdan AZƏRTAC-a bildirmişlər ki, həmin müddətdə depozitlərinin həcmi 195,1 milyon manat, əhalinin əmanətlərinin həcmi 161 milyon manat olmuşdur. Ötən ilin müvafiq dövrü ilə müqayisədə bu göstərici 20 faiz və ya 26,8 milyon manat çoxdur.

Bankın məcmu kapitalı 61,1 milyon manat təşkil etmişdir.