Bakı, 1 dekabr, AZƏRTAC

“DəmirBank” bu gündən “DəmirTaksit” kartı ilə “Xallar” aksiyasına başlayıb. Dekabrın 1-dən 27-dək keçirilən aksiyada “DəmirTaksit” kartı ilə edilmiş hər 1 manatlıq əməliyyata görə müştəri 1 xal qazanacaq.

Bankdan AZƏRTAC-a verilən məlumata görə, kampaniyanın sonunda toplanmış xalların miqdarına görə 1-ci və 2-ci yerləri tutan müştərilər Türkiyəyə səyahət bileti əldə edəcəklər. Aksiya çərçivəsində “DəmirTaksit” kartı ilə hər 100-cü əməliyyatı etmiş müştərilərə də hədiyyələr veriləcək.

“DəmirTaksit” kartları pulsuz təqdim edilir və kreditin rəsmiləşdirilməsi üçün komissiya haqqı tutulmur.