“DəmirBank”ın DİN əməkdaşları üçün keçirdiyi “Asayiş” aksiyasının müddəti uzadılıb

Bakı, 9 avqust (AZƏRTAC). “DəmirBank” tərəfindən 2 iyul – Polis Günü münasibətilə Daxili İşlər Nazirliyinin əməkdaşları üçün keçirilən “Asayiş” adlı güzəştli kredit aksiyasının müddəti oktyabrın 31-dək uzadılıb.

Bankdan AZƏRTAC-a bildiriblər ki, aksiyanın şərtlərinə görə istehlak kreditləri üzrə banka müraciət edən polislərə illik faiz dərəcəsində 2 faiz endirim tətbiq olunur. Kreditin məbləği maksimum 10 min manat olmaqla, 36 aya nəzərdə tutulub.

“DəmirBank” müxtəlif proqramlar üzrə əhaliyə və şirkətlərə geniş çeşiddə kredit məhsulları təqdim edir. Bununla yanaşı, bankın mikro və kiçik biznes üçün kreditləri, həmçinin ipoteka, avtomobil və digər istehlak kreditləri də var.