Azərbaycan Dövlət İnformasiya Agentliyi

REGİONLAR

Dəmir anqarda, zirzəmidə və sinif otaqlarında məşq edən siyəzənli idmançılar - REPORTAJ VİDEO

Dəmir anqarda, zirzəmidə və sinif otaqlarında məşq edən siyəzənli idmançılar -  REPORTAJ VİDEO

Siyəzən, 29 aprel, Elxan Yusifli, AZƏRTAC

Siyəzən şimal bölgəsində idman uğurlarına görə seçilən rayonlardandır. Yerli idmançılar arasında olimpiya növlərində dünya, Avropa və digər beynəlxalq yarışların mükafatçıları var. Amma təəssüf ki, 45 min nəfərə yaxın əhalisi olan rayonda bir dənə də olsun idman qurğusu və ya məşq zalı yoxdur. İdmançılar məşqlərini texniki xidmət üçün nəzərdə tutulan anqarda, yaşayış binasının zirzəmisində və məktəblərin sinif otaqlarında yaradılmış şəraitsiz zallarda keçirlər.

AZƏRTAC-ın bölgə müxbiri xəbər verir ki, Siyəzən rayonunda idmançıların kütləvi məşq keçdiyi uyğunlaşdırılmış ən böyük zal şəhər stadionunun ərazisində yerləşir. Kənd təsərrüfatı texnikalarına xidmət üçün nəzərdə tutulan anqar ötən əsrin 70-ci illərində idmançıların ixtiyarına verilib. Artıq əlli ildən çoxdur Siyəzən idmançıları dəmir bunkeri xatırladan, havalandırma sistemi və pəncərəsi olmayan zalda məşq edirlər. Hazırda zalda sərbəst güləş və cüdo idman növü üzrə 150-yə yaxın idmançı yarışlara hazırlaşır.

Məşqçi Zaur Həmzəyev bildirir ki, Siyəzəndə idmana böyük həvəs var. Perspektivli gənclər çox olsa da, təəssüf ki, məşq üçün normal şəraitli idman zalı yoxdur.

“20 ildən çoxdur bu zalda cüdo və sambo üzrə məşq keçirəm. Şəraitimiz qənaətbəxş olmasa da, uğurlarımız var. Bu zalda məşq keçən Elçin Mayılov dünya çempionu, kadetlərdə Kamran Qasımov Avropa çempionu olub. Bundan başqa Kənan Bünyatov, Bahadir Əsgərov, Şirin Cavadzadə, Ceyhun Hüseynov beynəlxalq yarışlarda mükafat qazanıblar. Mən 1981-ci ildə burada idmançı kimi məşq etmişəm. 2000-ci ildən də məşqçilik fəaliyyəti ilə məşğulam. Bu zalda məşq etmək üçün şərait yoxdur. Dəmir olduğu üçün qışda soyuq, yayda isə istidir. Cüdo və güləşlə məşğul olan idmançılar bir yerdə, yanaşı döşəklərdə məşq edirlər. Bu, normal deyil. Güləş müəllimi komandaları fitlə verir, cüdoda isə yapon dilində terminlərdir. Çox vaxt uşaqlar çaş-baş qalırlar. Burada soyunub-geyinmə otaqları belə yoxdur”, - deyə Zaur Həmzəyev qeyd edir.

Məşqçilər deyirlər ki, yeni idman kompleksinin tikintisi ilə bağlı əlaqədar təşkilatlara həm yazılı, həm də şifahi müraciətlər olunub. Rayonda idman qurğusunun tikintisi ilə bağlı işlərin görüləcəyi ilə bağlı söz verilsə də hələ ki, nəticə yoxdur.

Əməkdar məşqçi Ağadədə Allahverdiyev Siyəzən Uşaq Gənclər İdman və Şahmat Məktəbinin güləş müəllimidir. O, 90-a yaxın idmançıya sərbəst güləşin sirlərini öyrədir: “Baxın, hazırda bu zalda məşq edənlər arasında dünya və Avropa çempionatının, həmçinin Yeniyetmələr arasında Olimpiya oyunlarının mükafatçısı Şəhanə Nəzərova var. Xeyli istedadlı güləşçilərimiz var. Amma Siyəzəndə bir dənə də olsun idman qurğusu yoxdur. Olan bir bu anqardır. Buranın da vəziyyətini görürsünüz. Yuyunmaq üçün yer yoxdur. Uşaq məşqdən çıxır, tərli-tərli də evə yollanır. Cüdo ilə güləş bir yerdədir. Bir-birinə bitişik iki döşəkdir. Çox darısqaldır. Mənim öz güləş müəllimim var, Cavanşir müəllim. O, yaşayış binasının zirzəmisini idman zalına çevirib uşaqlara məşq keçir. Zal sarıdan çox çətindir. Amma idmançı potensialına baxanda, Siyəzən bir çox böyük rayonlarımızla rəqabətə girə bilər”.

Siyəzən rayonu hələ keçmiş sovet dönəmindən respublikada özünün boksçuları ilə tanınıb. Bu ənənə indi də davam edir. Siyəzənli boksçular arasında ölkə birinciliyində və beynəlxalq yarışlarda medallar qazananlar var. Amma bu boksçuların məşq keçdikləri şəraitsiz zala baxanda boksçuların uğur qazandıqlarına təəccüblənməyə bilmirsən.

Respublikanın Əməkdar məşqçisi, Fəxri Bədən Tərbiyəsi və İdman İşçisi Elman Abdullayev boks məşqlərini Siyəzən şəhər Nazim Əsədov adına 4 saylı tam orta məktəbdə keçir. Məktəbin idman zalı yararsız halda olduğundan boş sinif otaqlarından biri uyğunlaşdırılaraq boks zalına çevrilib. Burada iki yaş qrupunda 50-yə yaxın idmançı məşq edir.

“Biz məşqlərimizi gördüyünüz bu sinif otağında keçirik. Şəraitsizliyə baxmayaraq, son illər uğurlu nəticələrimiz var. Gənclər arasında Ramiz Əsgərov, Rza Novruzov Azərbaycan çempionatında ikinci yeri qazanıblar. Yeniyetmələr arasında da boksçularımız mükafatçılar sırasına düşüblər. Əvvəlki illərdə isə Rabib Bəylərov, Xəyyam Məmmədov kimi Avropa və dünya çempionatlarında fəxri kürsüyə çıxmağı bacaran idmançılarımız var. Əlbəttə nəticələrimiz daha yaxşı ola bilər. Məndən başqa da Siyəzən rayonunda 4 boks məşqçisi var ki, onlar da məktəblərin idman zallarında məşq keçirlər. Biz isə ümumiyyətlə sinif otağında zal qurmuşuq. Mən 24 ildir ki, uşaqları burada məşq etdirirəm. Buradakı rinq bizə 2015-ci ildə Gənclər və İdman Nazirliyi tərəfindən verilib. Boks kisələrini isə UGİŞM bizə hədiyyə edib. Qalan idman ləvazimatlarını öz hesabımıza alıb, uşaqlara məşq keçirik. İstərdik ki, bizim rayonda da Olimpiya İdman Kompleksi və ya başqa idman qurğusu inşa olunsun”, - məşqçi Elman Abdullayev söyləyir.

Siyəzənli idmançılar Əli Əliyev, Xəzər Səfərli və Rza Novruzov ən böyük arzularının rayonda Olimpiya İdman Kompleksinin inşası olduğunu bildiriblər.

Məşqçilərin sözlərinə görə, əsas məqsəd sağlam gənclik, ölkəmizi sevən vətəndaşlar yetişdirməkdir. Bunun üçün də idmana daha çox uşaq cəlb olunmalıdır. Müasir zallar olmadıqda isə uşaq və yeniyetmələri idmana cəlb etmək asan deyil.

Xatırladaq ki, son illərdə Prezident İlham Əliyevin müvafiq sərəncamları ilə ölkəmizin idman infrastrukturunun yenilənməsi və müasir standartlara cavab verən bazanın yaradılması istiqamətində əsaslı işlər görülüb. Dövlətimizin başçısının rəhbərliyi ilə respublikamızın şəhər və rayonlarında 45-dən çox Olimpiya İdman Kompleksi və digər idman qurğuları inşa olunaraq gənclərin ixtiyarına verilib. 2014-cü ildə Azərbaycan Respublikasının Alternativ və Bərpa Olunan Enerji Mənbələri üzrə Dövlət Agentliyinin (2019-cu ildə ləğv olunub) sifarişi əsasında Siyəzəndə də şimal bölgəsinin ən müasir idman qurğusu inşa olunmağa başlamışdı. Alternativ enerji ilə təchiz olunacaq çoxfunksiyalı idman zalının damında günəş batareyaları quraşdırılacaqdı. Üçmərtəbəli idman zalının elektrik təchizatı yalnız günəşdən alınan enerji hesabına ödənilməli idi. Amma idman qurğusunun inşası 2015-ci ildə yarımçıq saxlanıldı. Həmin vaxt quraşdırılan metal konstruksiyalar keçən zaman ərzində baxımsızlıqdan korroziyaya uğrayıb.

Ümumiyyətlə, Siyəzən rayonunda Gənclər və İdman Nazirliyinin balansında olan idman qurğusu və ya zalı yoxdur.

Siyəzən Rayon İcra Hakimiyyətindən AZƏRTAC-ın bölgə müxbirinə bildirilib ki, rayonda müasir idman qurğularının inşası üçün müvafiq tədbirlər görülür.

Yaxın gələcəkdə Siyəzən şəhərinin Babək küçəsində "Uşaq və Gənclərin Fiziki Hazırlıq Mərkəzi" inşa olunacaq. Bu idman kompleksində ministadion və ikimərtəbəli idman zalının fəaliyyət göstərməsi nəzərdə tutulur. Layihəyə əsasən kompleksin birinci mərtəbəsində soyunub-geyinmə və digər otaqlar, ikinci mərtəbəsində isə güləş və boks zalları olacaq. Əlavə olaraq 300 yerlik tribuna və açıq havada idman qurğularının istifadəyə verilməsi də nəzərdə tutulub. Hazırda layihənin inşası ilə əlaqədar müvafiq sənədləşmə işləri görülür.

İcra hakimiyyətindən o da bildirilib ki, rayonda dövlət proqramları çərçivəsində müasir idman qurğularının inşa edilməsi üçün müvafiq dövlət qurumlarına təkliflər göndərilib.

Dəmir anqarda, zirzəmidə və sinif otaqlarında məşq edən siyəzənli idmançılar -  REPORTAJ VİDEO

Xəbəri sosial şəbəkələrdə paylaşın

Bizi sosial şəbəkələrdə izləyin

Bu ilin fevralında Türkiyənin ticarət balansının kəsiri azalıb

Tədqiqat: Təbii və süni dadlandırıcılar qanda şəkəri azaldır

Bakıda informasiya texnologiyaları və onların tətbiqi üzrə 2-ci beynəlxalq konfrans keçiriləcək

Laçındakı Aqrosənaye parkında 46 müəssisə fəaliyyət göstərəcək

Qulu Ağsəsin “Görsən üşüyürsən...” adlı şeirlər kitabı çap olunub

Moskvada MDB İqtisadi Şurasının iclası keçirilib

Türkiyədə ABŞ nümayəndə heyəti ilə Ukrayna müharibəsi və terrorizmlə mübarizə məsələləri müzakirə ediləcək

Argentina millisinin futbolçusunu hədələyən cinayətkarlar saxlanılıb

Yaz mövsümü və allergik xəstəliklər

Azərbaycan Premyer Liqasında daha 2 turun cədvəli məlum olub

Deputat: Mart soyqırımları bəşər tarixində ən qanlı faciələrdəndir

Əmək və əhalinin sosial müdafiəsi naziri Neftçalada vətəndaşları qəbul edib

Bakıda VI Ümumdünya Mədəniyyətlərarası Dialoq Forumu keçiriləcək

Barselonada ekstremal quraqlıq hökm sürür

“Uğurlarımın arxasında duran ən böyük səbəb budur” – peşə məktəbi məzununun UĞUR HEKAYƏSİ

Azərbaycan Kubokunda yarımfinal mərhələsinin cavab oyunlarının proqramı açıqlanıb

Fransa dövləti və Daxili Təhlükəsizlik Baş İdarəsi məhbusu necə manipulyasiya edib?

Salyan sakinindən külli miqdarda heroin götürülüb

ABŞ-ın Ukraynaya yardımının ümumi məbləği 113 milyard dolları keçib

Sabah ölkə ərazisində hava şəraiti dəyişkən buludlu olacaq

“60 çiçək – bir çələng” adlı Zəfər almanaxı işıq üzü görüb

Baş katib: Azərbaycan basketbolunda yeni tarix yazmaq istəyirik

Ən varlı amerikalıların 1 faizinin sərvəti 44,6 trilyon dollara yüksəlib

Milli Kitabxanada 31 Mart - Azərbaycanlıların Soyqırımı Günü ilə əlaqədar tədbir təşkil olunub

Kembricdə şahzadə Filippin heykəlini demontaj edəcəklər

BDU-da Günəş aktivliyinin tədris göstəricilərinə təsiri məsələsi müzakirə olunub

Moskvada MDB İqtisadi Şurasının 101-ci iclası başlayıb

Ölkəyə idxal olunan bir sıra qida məhsullarında uyğunsuzluqlar aşkarlanıb

Səhiyyə Nazirliyi Laçın şəhərində uşaqların kompleks tibbi müayinəsini aparıb və maarifləndirici aksiya təşkil edib

Olimpiya idman növləri üzrə federasiyalar üçün seminar keçirilib

Ramazan bayramı ilə əlaqədar Bakı-Qəbələ-Bakı marşrutu üzrə qatarların hərəkətində dəyişiklik edilir

Dövlət Ekoloji Təhlükəsizlik Xidməti ictimai-iaşə obyektlərinin sahiblərinə çağırış edib

Cənubi Koreyada sürət qatarı ilə doğum səviyyəsi arasında maraqlı əlaqə tapıblar

Bakı kəndləri arasında futbol turniri başlayır 

AzMİU-da maarifləndirici seminar - Plastik tullantıların təbiətə zərəri

Dövlət Su Ehtiyatları Agentliyinin sədri Gəncə şəhərində vətəndaşlarla görüşüb

Milli Məclisin növbəti plenar iclasının vaxtı açıqlanıb

Kainatın bir çox sirrini açmağa imkan yaradan texnoloji yenilik

Azərbaycan cüdoçuları “Böyük Dəbilqə” turnirinin ilk günündə medal qazana bilməyiblər

Mart soyqırımı - insanlığın faciəsi

Naxçıvandan olan şəhid ailələrinin üzvləri Şuşada

Bakıda keçiriləcək lisenziya turnirinə satılan biletlərin sayı açıqlanıb

Sağlam və düzgün qidalanmanın ən önəmli qaydalarından biri meyvə və tərəvəzləri mövsümündə istehlak etməkdir

NATO İspaniyada üçüncü hərbi-dəniz bazasını yerləşdirir

GUAM ölkələri insan alverinə və qanunsuz miqrasiyaya qarşı mübarizəni gücləndirəcək

Fövqəladə Hallar Nazirliyi tərəfindən daha bir qanunsuz tikili sökülüb

Yunanıstanda 6 bal gücündə zəlzələ olub

Vüqar Rəhimzadə: XX əsrdə xalqımız böyük bəlalarla üzləşsə də, sınmadı, güc topladı və məqsədinə nail oldu

Azərbaycanda hansı şəxslərin təhsil haqqı dövlət vəsaiti hesabına ödəniləcək?

Ukraynaya raket hücumu nəticəsində 6 bölgənin enerji infrastrukturuna ziyan dəyib

Sumqayıt Kimya Sənaye Parkında ağacəkmə aksiyası keçirilib

Alimlər fövqəlnovanın ən erkən mərhələlərini qeyd edirlər

Qubada III Aqrobiznesin İnkişafı Forumu keçirilir - YENİLƏNİB

Donald Tusk Ukrayna müharibəsinin uzanacağını güman edir

Füzulidə daha 35 ailəyə mənzillərinin açarları təqdim olunub - YENİLƏNİB VİDEO

Azərbaycan Karate Federasiyasında fəxri prezidentlik institutu yaradılır

Dördüncü “Yüksəliş” müsabiqəsinə 14 min nəfərdən çox iştirakçı qeydiyyatdan keçib

Gürcüstanda müsəlman icmasına daha 20 məscid veriləcək

Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SORĞU

Oğuz sakinlərindən nəcib təşəbbüs - yanmış meşə sahələri bərpa edilir FOTO VİDEO

“Heydər Əliyev və Azərbaycan mərasim mədəniyyəti” kitabı çapdan çıxıb

“Hoa Lo” həbsxanası - Fransanın Vyetnamdakı cinayətlərinin şahidi VİDEO

İnzibati Xətalar Məcəlləsinin bir sıra maddələri üzrə cərimələrin məbləği artırılır

“Şahin” hərbi-idman oyununun Şəki rayon turunda 11 komanda mübarizə aparıb

Elektroenergetika və bərpaolunan enerji sahəsində Texniki Komitə yaradılıb

Məktəbəhazırlıq qruplarında, 4-cü və 6-cı siniflərdə şagirdlərin yerdəyişmə prosesi dayandırılacaq

“N” hərbi hissəsində komanda-qərargah təlimi keçirilib

Müasir imperializm ideyasının sələfi olan Qərb merkantilizmi indi də Ermənistanı “xərcləyir” - ŞƏRH

İKTA operator və provayderlərə radiotezliklərdən səmərəli istifadəni tövsiyə edib

Cinayət-Prosessual Məcəlləyə təklif edilən bir sıra dəyişikliklər təsdiqlənib

Görkəmli ədibin 125 illiyi adını daşıdığı kitabxanada qeyd edilib

Alzheimer xəstəliyi orqan nəqli ilə də yayıla bilər

Hüquqşünas kimi 5 ildən artıq işləyən Azərbaycan vətəndaşları hakim ola biləcəklər

Aprelin 15-dən 19-dək ölkəmizdə quş qripi xəstəliyinə qarşı epizootoloji monitorinq keçiriləcək

Ramiz Əskərin yaradıcılığında əski və çağdaş türk abidələrinin tədqiqi və tərcüməsi - seminar

Ermənistanda Vladimir Solovyovun verilişlərinin yayımı dayandırılıb

Kukla Teatrı aprel repertuarını açıqlayıb

“Qarabağ”ın qapıçısı Azərbaycan və Rusiya çempionatlarını müqayisə edib

Yunis Hüseynov: “Qarabağ” bütün oyunlarını uduzsa belə, çempion olacaq

Mülki Prosessual Məcəlləyə dəyişikliklər təsdiqlənib

Elm və təhsil naziri Samuxda vətəndaşları qəbul edəcək

Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanın iclası keçirilib

Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək

“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb

Bərdədə “Peşə təhsili və özəl dövlət əməkdaşlığı” mövzusunda regional forum keçirilir

Bill Qeyts: Süni intellekt gələcəkdə asan tapşırıqları da yerinə yetirə bilməyəcək

İqlim dəyişikliyi saatların bir saniyə itirməsinə səbəb ola bilər

Azərbaycanın su qıtlığı probleminin həllində əldə edilən irəliləyişlər müzakirə edilib

Valideynlik hüququndan məhrumetmə barədə iddia qaldıra bilənlərin sayı artırılır

Nazir: TDT-nin platformasından istifadə etməklə biz aqrar sektorun inkişafına töhfə verə bilərik

Türkiyəli nazir: Zəlzələ zonasında 300 min obyekt tikilir

Ölkəmiz ABŞ-da Oyun Tərtibatçıları Konfransında təmsil olunub

Kiyev və Varşava təhlükəsizlik zəmanəti barədə saziş imzalamağı planlaşdırır

Azərbaycan gimnastları Dünya Kubokunda iştirak edəcəklər

ABŞ husilərə aid daha dörd PUA-nın vurulduğunu bildirib

FHN: Ötən sutka ərzində 2-si azyaşlı olmaqla 5 nəfər xilas edilib

Vaşinqtonda Hirşhorn kolleksiyasının sərgisi açılıb

Məktəb psixoloqları üçün müsabiqə

Türkiyədə FETÖ ilə əlaqədə şübhəli bilinən daha 70 nəfər saxlanılıb

BDU-nun müəllimi Rumıniyanın Aleksandr İohan Kuzi adına Yassı Universitetində mühazirə deyib