İQTİSADİYYAT
Dəmir yolunun Salahlı-Poylu mənzilində əsaslı təmir işlərinə başlanılıb
Bakı, 24 oktyabr, AZƏRTAC
Oktyabrın 24-də Bakı-Böyük Kəsik istiqamətindəki Salahlı-Poylu mənzilində 7 kilometr dəmir yolunun əsaslı təmirinə başlanılıb.
Azərbaycan Dəmir Yolları QSC-nin mətbuat xidmətindən AZƏRTAC-a bildiriblər ki, “Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı” çərçivəsində həyata keçirilən təmir işlərinin beş gün ərzində başa çatdırılması nəzərdə tutulur.
Əsaslı təmir işlərini “Azərbaycan Dəmir Yolları” QSC “Dəmiryolservis” MMC-nin müəssisələri aparır. MMC-nin baş mühəndisi Əfsələfddin Gəncəliyevin verdiyi məlumatda bildirilir ki, səhər saatlarında köhnə yolun 500 metr hissəsi sökülüb.