ELM VƏ TƏHSİL


Dendrologiya Bağında Qafqaz dağdağanı tədqiq olunub

Bakı, 12 avqust, AZƏRTAC

Dendrologiya Bağının kolleksiyasında özünəməxsus yeri olan Qafqaz dağdağanı üzərində elmi tədqiqat işi aparılıb, növün biomorfoloji xüsusiyyətləri öyrənilib, meyvələrindən alınan yağ tədqiq edilib.

Bu barədə AZƏRTAC-a Dendrologiya İnstitutundan məlumat verilib. Aparılan elmi-tədqiqat işləri nəticəsində aydın olub ki, Qafqaz dağdağanı bitkisinə Abşeron şəraitində aqrotexniki qulluq göstərildiyi zaman inkişafını normal keçirir. Uzunömürlü, dekorativ əlamətlərə və ekoloji amillərin davamlılığına malik olan dağdağan növlərindən meşəsalmada, yaşıllaşdırmada, canlı çəpərlərin salınmasında, xiyabanlarda, bağlarda, parklarda, tək və qrup əkinlərində istifadə olunması məqsədəuyğundur.

Qeyd edək ki, dağdağanın budaq, yarpaq və meyvələri müalicəvi əhəmiyyətə malikdir, E və B qrupu vitaminləri ilə zəngindir. Tərkibində kalsium, natrium, maqnezium, fosfor, sink, manqan və s. minerallar var. Mədə ağrıları, böyrək qumlarının tökülməsi, yaraların sağalması, ayaq tərləməsi, sidikqovucu, öskürək və bronxitin müalicəsində istifadə edilir. Yarpaqlarının dəmləməsini saça sürtdükdə parlaqlıq verir. Dağdağan ağrıkəsici, iştahaartırıcı təsirə malikdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.