CƏMİYYƏT


Detoks çaylarının orqanizmə təsiri

Bakı, 28 iyul, AZƏRTAC

Müasir dövrdə artıq çəkidən xilas olmağın ən asan və rahat üsullarından biri də detoks çaylarıdır. Orqanizmdəki zərərli maddələri xaric edən həmin çaylar, eyni zamanda, həzm prosesini də sürətləndirir. Lakin diyetoloqlar detoks çaylarının çox istifadə edilməsini məsləhət görmürlər, çünki onun faydası qədər zərəri də var.

AZƏRTAC xəbər verir ki, həkim-diyetoloq Esmira Babayeva deyib: “Detoks xərçəng hüceyrələrini oyadır, beyin hüceyrələrinə və mədəyə ziyan vurur, yaddaş problemləri yaradır. Detoks çayının içilməsi 1 saat sonra əsəb sisteminə mənfi təsir edir, aqressivlik və asılılıq əmələ gətirir”.

Detoks çaylarının gündə bir dəfədən artıq istifadəsi məsləhət deyil. Əks halda mədə-bağırsaq sistemində problem yarana bilər. Ona görə də daha sağlam yolla arıqlamaq tövsiyə olunur.

“Hər saatdan bir yemək yeyilməlidir. Ən əsası su balansı düzgün saxlanılmalıdır. Yəni su yeməkdən 1 saat əvvəl içilməlidir, çünki su ilə yemək qarışanda piy qatını artırır. Yemək yeyəndən sonra limon sıxılıb içilməsi orqanizmə daxil olan yeməkləri parçalayır”, - deyə həkim-diyetoloq əlavə edib.

Sağlam arıqlamaq üçün mütəmadi idmanla məşğul olmaq, yağlı qidalardan uzaq olmaq və piyada gəzmək mütləq şərtlərdən biridir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.