SİYASƏT


Diasporla İş üzrə Dövlət Komitəsinin sədri israilli həmkarı ilə görüşüb

Bakı, 22 iyun, AZƏRTAC

Diasporla İş üzrə Dövlət Komitəsinin (DİDK) sədri Fuad Muradovun İsrailin diaspor işləri üzrə naziri Naxman Şayla görüşü keçirilib.

Dövlət Komitəsindən AZƏRTAC-a bildirilib ki, görüşdə DİDK-nın və İsrailin Diaspor İşləri üzrə Nazirliyinin fəaliyyət istiqamətləri, müxtəlif proqram və layihələr barədə ətraflı məlumat verilib, əməkdaşlığın perspektivlərinə dair müzakirələr aparılıb. Azərbaycanda yəhudi icmasının, İsraildə isə Azərbaycan diasporunun fəaliyyəti yüksək qiymətləndirilib. Ölkəmizdən dünyanın müxtəlif dövlətlərinə köçmüş yəhudilərin həm də Azərbaycan icması olaraq birgə layihələrə cəlb edilməsi istiqamətində addımlar atılmasının vacibliyi diqqətə çatdırılıb.

Tədbirdə Azərbaycan ilə İsrailin etibarlı tərəfdaş olduqları, Vətən müharibəsi və postmüharibə dövründə İsrailin ölkəmizin haqlı mövqeyini dəstəkləməsi, xalqlarımızın dostluq əlaqələrinin tarixi ənənələrə malik olması məmnunluqla vurğulanıb.

Görüşün sonunda DİDK sədri israilli həmkarını Azərbaycana səfərə dəvət edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.