İDMAN


Dieqo Qodin “Milan” klubuna keçməyə razılıq verib

Bakı, 28 noyabr, AZƏRTAC

Madridin “Atletiko” klubunun mərkəz müdafiəçisi Dieqo Qodin “Milan”ın təklifini qəbul edərək, bu kluba transfer olunmağa razılıq verib.

AZƏRTAC “Acmilanfan.ru”ya istinadla xəbər verir ki, uruqvaylı futbolçunun Madrid təmsilçisi ilə müqaviləsinin müddəti bu mövsümün sonunda başa çatacaq. “Milan” 32 yaşlı futbolçunu heyətinə qatmaq üçün “Atletiko” ilə razılığa gəlib. Klub Qodinə iki il yarım müddətə müqavilə və hər mövsüm üçün 4 milyon avro məvacib təklif edib. Artıq futbolçunun razılığının alındığı bildirilir.

“Milan” zədə səbəbindən üç mərkəz müdafiəçisini – Mattia Kaldara, Mateo Musakkio və Alessio Romanolini itirib. Buna görə də klub rəhbərliyi komandanın heyətini gücləndirmək üçün müdafiəçi axtarışına başlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.