ELM VƏ TƏHSİL


Dil biliklərinin mənimsənilməsində ümumavropa təcrübəsi araşdırılıb

Bakı, 3 oktyabr, AZƏRTAC

Azərbaycan Milli Elmlər Akademiyasının İnformasiya Texnologiyaları İnstitutunda dil biliklərinin mənimsənilməsində Avropa təcrübəsi araşdırılıb.

İnstitutdan AZƏRTAC-a bildirilib ki, bu sahədə Azərbaycan dilinin xarici dil kimi öyrədilməsi üçün tədris planı, dərslik və əlavə dərs vəsaitləri (audio, video, proqram təminatları və s.) hazırlanır, beynəlxalq standartlara əsaslanan yeni qiymətləndirmə meyarları işlənilir. Bu məqsədlə CEFR - Avropa dilləri üçün çərçivə proqramından istifadə olunur. Proqram dil öyrənənlərə həmin dildə ünsiyyət qurmaq və ondan səmərəli istifadə etmək üçün hansı məqamlara diqqət yetirməyin vacib olduğunu öyrədir. CEFR proqramına görə, dil 3 əsas amilə - dil fəaliyyəti, fəaliyyətin baş verdiyi sahələr və bacarıqlara görə formalaşır. Proqram dil fəaliyyətini informasiyanın qəbulu (dinləmə və oxu), istehsalı (danışıq və yazı), qarşılıqlı əlaqə (danışıq və yazı) və vasitəçilik (tərcümə) növlərinə ayırır. CEFR proqramı hər hansı dilin tədrisi üçün dərsliklər və əlavə dərs vəsaitlərini alət və resurslarla təmin edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.