ELM VƏ TƏHSİL


Dilçilik İnstitutunda “Əcnəbilər üçün Azərbaycan dilinin elektron platforması” layihəsi müzakirə olunub

Bakı, 3 oktyabr, AZƏRTAC 

Prezident İlham Əliyevin imzaladığı “Azərbaycan dilinin elektron məkanda daha geniş istifadəsinin təmin edilməsi ilə bağlı bir sıra tədbirlər haqqında” 2018-ci il 17 iyul tarixli Sərəncamının yerinə yetirilməsi ilə bağlı oktyabrın 3-də Azərbaycan Milli Elmlər Akademiyasının (AMEA) Nəsimi adına Dilçilik İnstitutunda tədbir təşkil olunub.

İnstitutdan AZƏRTAC-a bildirilib ki, tədbirdə Xarici İşlər Nazirliyi, Təhsil Nazirliyi, Nəqliyyat, Rabitə və Yüksək Texnologiyalar Nazirliyi, Maliyyə Nazirliyi, Dilçilik İnstitutu, Dövlət İmtahan Mərkəzi (DİM) və Azərbaycan Dillər Universitetinin (ADU) nümayəndələri iştirak ediblər.

İclasda Dilçilik İnstitutunun direktoru, akademik Möhsün Nağısoylu bildirib ki, Prezident İlham Əliyevin 2013-cü il 9 aprel tarixli Sərəncamı ilə təsdiq edilən "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı"nın 6.4.3 saylı maddəsində "Azərbaycan dilində internet resursların, elektron və interaktiv dərsliklərin yaradılması istiqamətində fəaliyyətin gücləndirilməsi" məsələləri nəzərdə tutulub. Bu sənədlərin imzalanması onu deməyə əsas verir ki, artıq Azərbaycan dilinin elektron məkanda istifadəsinin vaxtı çatıb.

İclasda layihənin tətbiqi, həyata keçirilməsi mexanizmi, icra müddəti, beynəlxalq təcrübə əsasında dəyərləndirilməsi kimi məsələlər müzakirə olunub.

DİM-nin sektor müdiri Vəli Hüseyn, ADU-nun Azərbaycan dilçiliyi kafedrasının müdir müavini Səbinə Əliyeva və Dilçilik İnstitutunun şöbə müdiri, professor Mayıl Əsgərov təqdim etdikləri layihə ilə bağlı fikirlərini bölüşüblər.

Sonda təkliflər dinlənilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.