MƏDƏNİYYƏT


Doktor Bilal Çakıcı: TÜRKSOY bundan sonra da Səməd Behrənginin yaradıcılığının təbliğinə diqqətlə yanaşacaq

Ankara, 26 yanvar, AZƏRTAC

Səməd Behrənginin yaratdığı əsərlər tarixin bütün dövrlərində oxuculara ibarəmiz təəssürat yaradıb. Çünki onun yaradıcılığının, bütün ədəbi fəaliyyətinin təməli sağlam və məqsədyönlüdür.

Bu fikri AZƏRTAC-a açıqlamasında Beynəlxalq Türk Mədəniyyəti Təşkilatının (TÜRKSOY) Baş katibinin müavini, doktor Bilal Çakıcı ifadə edib.

Türk dünyasının tarixi şəxsiyyətlərinin və bədii əsərlərimizin təbliğinin TÜRKSOY-un fəaliyyətində mühüm bir istiqamət olduğunu diqqətə çatdıran B.Çakıcı deyib: “Zəngin tarixi mədəniyyətə sahib olan türksoylu xalqların dünəni və bu günü arasında körpü yaratmağın bir yolu da Səməd Behrəngi kimi nadir şəxsiyyətləri təbliğ etmək, əsərlərinin yayılma coğrafiyasını genişləndirməkdir. Təbriz doğumlu, Azərbaycan türkü olan Səməd Behrəngi çoxşaxəli yaradıcılığı ilə dünya bədii ədəbiyyatına nadir incilər bəxş edib. Onun əsərlərinin araşdırılması tarixin bütün dövrlərində tədqiqatçılar üçün maraqlı olub və aktuallığını bu gün də saxlayır. Səməd Behrənginin əsərləri bütün türk dünyası üçün faydalı və qürur mənbəyidir. TÜRKSOY bundan sonra da böyük yazıçının həyat və yaradıcılığının təbliğinə diqqətlə yanaşacaq”.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.