ELM VƏ TƏHSİL


Doktorant və dissertantlar “ORCID” sistemi barədə məlumatlandırılıb

Bakı, 18 iyun, AZƏRTAC

Təhsil İnstitutunun Elmi-pedaqoji kadrların hazırlanması şöbəsinin əməkdaşı Şükür Aslanov doktorant və dissertantlar üçün “Əməkdaşların və elmi işçilərin elmi jurnallarda məqalələrinin dərc olunması üçün ORCID nömrələrinin alınması qaydası“ mövzusunda seminar keçirib.

İnstitutdan AZƏRTAC-a bildirilib ki, seminarda təlimçi “ORCID” kodunun mahiyyəti və faydaları, bu kodun tədqiqatçı üçün üstünlükləri, onun necə əldə edilməsi, “ORCID” hesablarının yaradılması, parolların təyin edilməsi, texniki dəyişikliklər barədə məlumat verib. Qeyd olunub ki, “ORCID” tədqiqatçıların məlumatlarını dünya müstəvisində paylaşa bilməsi və tanınması üçün genişmiqyaslı bir kodlaşma sistemidir. Başqa sözlə, elm adamlarını tanıtdırmaq üçün istifadə edilən beynəlxalq sistemdir. “ORCID” sistemi 2012-ci ildə tədqiqatçı, araşdırmaçı, yazar, alimlər üçün istifadəyə verilib. Hazırda bir çox elmi və akademik sistemlər “ORCID” bazası ilə yaxından əməkdaşlıq edir.

Təqdimatdan sonra iştirakçiların suallarını Elmi-pedaqoji kadrların hazırlanması şöbəsinin müdiri pedaqogika üzrə elmlər doktoru, professor Hümeyir Əhmədov cavablandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.