DÜNYA


Donald Tramp Çinlə danışıqların çox yaxşı keçdiyini bildirib

Bakı, 11 oktyabr, AZƏRTAC

Vaşinqtonda start götürən ABŞ-Çin danışıqlarının ilk günü çox yaxşı keçib.

AZƏRTAC Amerika KİV-lərinə istinadla xəbər verir ki, bu barədə ABŞ Prezidenti Donald Tramp Ağ evin cənub çəmənliyində jurnalistlərin suallarına cavab verərkən deyib.

“Biz danışıqları indicə başa vurduq. Danışıqlar çox yaxşı keçdi. Daha bir gün danışıqlar aparacağıq. Mən Çinin vitse-prezidenti Lü He ilə Ağ evdə görüşəcəyəm və hər şeyin yaxşı keçəcəyini düşünürəm. Biz Çinlə çox yaxşı danışıqlar aparırıq”, - deyə ABŞ Prezidenti bildirib.

Oktyabrın 10-da Vaşinqtonda ABŞ və Çin arasında ticarət danışıqlarının yeni raundu başlayıb. Ölkələr ticarət sahəsində fikir ayrılıqlarını aradan qaldırmaq üçün artıq bir neçə aydır ki, gərgin danışıqlar aparırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.