DÜNYA


Donald Tramp Türkiyəyə səfər edəcəyini bildirib

Bakı, 29 iyun, AZƏRTAC

ABŞ Prezidenti Donald Tramp Türkiyəyə səfər etməyi planlaşdırdığını deyib, amma konkret vaxt göstərməyib.

AZƏRTAC Türkiyə KİV-lərinə istinadla xəbər verir ki, bu barədə Donald Tramp Osaka şəhərində keçirilən G20 sammiti çərçivəsində Türkiyə Prezidenti Rəcəb Tayyib Ərdoğanla görüşü öncəsi jurnalistlərin suallarını cavablandırarkən bildirib.

Bir qədər əvvəl mətbuatda Rəcəb Tayyib Ərdoğan Donald Trampı Ankaraya səfərə dəvət etdiyi, ABŞ liderinin dəvəti müsbət qarşıladığı barədə məlumat yayılmışdı. Həmçinin Xarici İşlər naziri Mövlud Çavuşoğlu ABŞ Prezidentinin iyul ayında Türkiyəyə gələ biləcəyini demişdi.

Xatırladaq ki, bu gün Yaponiyanın Osaka şəhərində Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında maraqla gözlənilən görüş keçirilib. Təxminən 40 dəqiqə davam edən görüşün mətbuata açıq olan hissəsində Donald Tramp Barak Obama dönəmində Türkiyəyə ədalətli yanaşılmadığını və “Patriot” raketlərinin satılmadığını deyib. Rəcəb Tayyib Ərdoğan isə ticarət və müdafiə sənayesində atılmalı addımlar olduğunu, ABŞ-la strateji ortaqlığın bir çox sahədə həmrəyliyi təşviq etdiyini bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.