DÜNYA


Donald Tusk Brexitin dayandırılması ehtimalını 20-30 faiz qiymətləndirib

Bakı, 11 may, AZƏRTAC

Böyük Britaniyanın Avropa İttifaqının tərkibindən çıxmasının qarşısının alınması üçün imkanlar hələ qalır.

AZƏRTAC xəbər verir ki, bu barədə Avropa Şurasının rəhbəri Donald Tusk “La Vanguardia” qəzetinə müsahibəsində deyib. “Fikrimcə, Brexit prosesinin dayandırılmasının mümkünlüyü 20-30 faizdir. Bu, elə də az deyil. Hələ təslim olmaq üçün səbəb görmürəm”, - deyə Avropa Şurasının rəhbəri bildirib.

Böyük Britaniya Avropa İttifaqını Brexit barədə yazılı müraciətin verildiyi vaxtdan iki il sonra – 2019-cu il martın 29-da tərk etməli idi. Lakin İcmalar Palatasının deputatları Baş nazir Tereza Meyin Avropa liderləri ilə danışıqların gedişində əldə etdiyi Brexit şərtləri barədə saziş layihəsini üç dəfə rədd edib. Bundan sonra Brüssel Londonun müraciəti əsasında prosesin həyata keçirilməsi vaxtını iki dəfə - aprelin 12-nə və mayın 22-nə qədər təxirə salıb. Birinci tarix Böyük Britaniyanın Avropa İttifaqını sazişsiz tərk etməsini nəzərdə tuturdu, ikinci isə, əksinə, Brexit üzrə sazişin İcmalar Palatasında qəbulundan sonra onun ratifikasiyası üzrə bütün formal prosedurların sona çatdırılması üçün əlavə vaxt verirdi.

Tereza Mey prosesi siyasi dalandan çıxara bilmədikdən sonra müddətin yenidən uzadılması üçün Avropa İttifaqına təkrar sorğu göndərib. Aİ-nin aprelin 11-də keçirilən təcili sammitinin nəticələrinə əsasən, Brexit prosesinin müddətinin oktyabrın 31-dək uzadılması barədə qərar qəbul edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.