İQTİSADİYYAT


Doqquz ayda Energetika Nazirliyinin Çağrı mərkəzinə 1211 müraciət daxil olub

Bakı, 7 oktyabr, AZƏRTAC

Bu ilin 9 ayı ərzində Energetika Nazirliyinin Çağrı mərkəzi tərəfindən 1211 zəng qəbul olunub.

Nazirlikdən AZƏRTAC-a bildirilib ki, müraciətlər əsasən, elektrik enerjisi və qaz təchizatı məsələlərini əhatə edib. Bunlardan 548-i enerji təchizatı, 339-u qaz təchizatı, 44-ü elektrik və qaz sayğaclarının quraşdırılması, 8-i istilik sisteminə qoşulma, 109-u isə digər məsələlərlə bağlı müraciətlər olub. Daxil olan zənglərin 163-ü qaldırılan problemlərin həlli ilə bağlı təşəkkür zəngləri təşkil edib.

Hesabat dövründə qaz təchizatı üzrə qəbul edilən zənglərdən 146-sı Fövqəladə Hallar Nazirliyindən daxil olan qaz sızması və dəm qazı ilə bağlı müraciətlər olub ki, bu zənglər operativ şəkildə “Azəriqaz” İB-nin 104, 185 və 521-33-44 “qaynar xətt” nömrələrinə ötürülərək yaranmış vəziyyətlə bağlı məlumat verilib.

Çağrı mərkəzi vasitəsilə nazirliyə daxil olan bütün zəng və sorğular çevik şəkildə cavablandırılıb, araşdırma tələb edən müraciətlər operativ şəkildə aidiyyəti üzrə nazirliyin müvafiq struktur bölmələrinə yönləndirilib və müraciət edən şəxslər araşdırmaların nəticələri barədə məlumatlandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.