Doqquz ayda birja üzvlərinin renkinqinə “PAŞA Kapital” başçılıq edib

Bakı, 5 oktyabr, AZƏRTAC

“Bakı Fond Birjası” QSC yanvar-sentyabr ayları üzrə üzvlərinin dövriyyəsi renkinqini açıqlayıb.

AZƏRTAC BFB-yə istinadla xəbər verir ki, renkinqə 10,2 milyard manatlıq göstərici ilə “PAŞA Kapital İnvestisiya Şirkəti” QSC başçılıq edir. Növbəti yerlərdə 3,8 milyard manatla “Unicapital İnvestisiya Şirkəti” ASC, 2 milyard manatla “BTB Kapital” şirkəti, 1,3 milyard manatla “AzFinance İnvestisiya Şirkəti” QSC, 920,4 milyon manatla “ABB-İnvest” şirkəti, 596,2 milyon manatla “CPM-Invest İnvestisiya Şirkəti” QSC, 382 milyon manatla “Xalq Kapital İnvestisiya Şirkəti” QSC, 317,9 milyon manatla “İnvest-AZ İnvestisiya Şirkəti” QSC, 154,4 milyon manatla “PSG Kapital İnvestisiya Şirkəti” QSC, 56,3 milyon manatla “MFX Trading” şirkəti qərarlaşıb.