REGİONLAR


Dörd ayda Qəbələdə sənaye məhsulu istehsalı 42 faizdən çox artıb

Qəbələ, 11 may, Mustafa Dadaşov, AZƏRTAC

Bu ilin yanvar-aprel aylarında Qəbələ rayonunda fəaliyyət göstərən sənaye müəssisələri tərəfindən faktiki qiymətlərlə 42 milyon 816,7 min manatlıq məhsul istehsal olunub. Bu, ötən ilin müvafiq dövrü ilə müqayisədə 12 milyon 807 min manat və ya 42,6 faiz çoxdur. İstehsal edilən sənaye məhsulunun 13,8 faizi dövlət, 86,2 faizi qeyri-dövlət sektorunun payına düşür.

Bu barədə AZƏRTAC-ın bölgə müxbirinə Qəbələ Rayon Statistika İdarəsindən məlumat verilib.

Bildirilib ki, 4 ayda rayonda 6 milyon 555,8 min manatlıq sənaye məhsulu ixrac edilib. İxracın həcmi keçən ilin eyni dövrü ilə müqayisədə 3 milyon 214,3 min manat və ya 96,1 faiz artıb.

İdarədən verilən məlumata görə, Qəbələ rayonunun sənayesi əsasən, qida məhsulları və tikinti materiallarının istehsalı, elektrik enerjisi və qazın bölüşdürülməsi və təchizatı, suyun təmizlənməsi və paylanması sahələrini əhatə edir. Cari ilin yanvar-aprel aylarında rayonda istehsal olunan sənaye məhsulunun 83,9 faizi emal sektorunun payına düşüb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.