İDMAN


Dördqat dünya çempionu Sebastyan Fettel “Aston Martin” ilə müqavilə imzalayıb

Bakı, 10 sentyabr, AZƏRTAC

Formula 1 üzrə dördqat dünya çempionu Sebastyan Fettelin yeni komandası müəyyənləşib.

AZƏRTAC xəbər verir ki, cari mövsüm başa çatdıqdan sonra “Ferrari”ni tərk edəcək S.Fettelin yeni komandası “Aston Martin” olacaq. Bu barədə komandanın rəsmi saytı məlumat yayıb.

Almaniyalı pilot 2021-ci ildən “Aston Martin”də çıxış edəcək.

S.Fettel karyerası ərzində 249 yürüşdə iştirak edib. Onlardan 120-də podiuma qalxıb və 53-də isə qələbə qazanıb.

Pilot 2010-2013-cü illərdə “Red Bull” komandası ilə ardıcıl 4 dəfə çempion olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.