CƏMİYYƏT


Dövlət Agentliyinin sədri aktiv fəaliyyət göstərən inkubasiya və akselerasiya mərkəzlərinin rəhbərləri ilə görüşüb

Bakı, 18 fevral, AZƏRTAC

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində “İnnovasiya ekosistemi toplantısı” keçirilib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən AZƏRTAC-a bildiriblər ki, tədbirdə dövlət agentliyinin sədri Ülvi Mehdiyev, həmçinin innovasiyalar sahəsində aktiv fəaliyyət göstərən 11 müxtəlif inkubasiya və akselerasiya mərkəzinin rəhbərləri iştirak ediblər.

Dövlət agentliyinin sədri innovasiyalar sahəsində ölkə rəhbərliyinin tapşırığı ilə aidiyyəti qurumlar tərəfindən əhəmiyyətli işlərin görüldüyünü bildirib. Görüş iştirakçılarının diqqətinə çatdırılıb ki, dövlət agentliyi tərəfindən öz səlahiyyətlərinə uyğun olaraq dövlət xidmətləri, rəqəmsal hökumət və sosial sahədə bir sıra innovasiyalar tətbiq edilib. Bildirilib ki, ölkə rəhbərliyinin iştirakı ilə açılışı həyata keçirilən “INNOLAND” Mərkəzində bu günə kimi formalaşdırılan imkanlardan bütün ekosistem oyunçuları bərabər şəkildə istifadə edə bilərlər.

Görüşdə ölkəmizdə innovativ ideyaların təşviqi, startap mühitinin inkişafı, əlverişli qanunvericilik və maliyyələşmə mexanizmlərinin tətbiqi ilə bağlı fikir mübadiləsi aparılıb.

Ekosistem oyunçuları innovativ texnologiyalar sahəsində mümkün perspektivləri və yeni çağırışları da müzakirə ediblər. Onlar bu cür formatda görüşlərin keçirilməsinin və yaxşı təcrübələrin bölüşülməsinin əhəmiyyətini vurğulayıblar.

Həmçinin gələcək planlar və əməkdaşlıqlar barədə danışılıb, bir sıra qərarlar qəbul olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.