SİYASƏT


Dövlət Bahçeli: İşğalçı Ermənistan haqsızdır, terrorçudur VİDEO

Ankara, 27 oktyabr, AZƏRTAC

Azərbaycan Dağlıq Qarabağı, işğal altındakı torpaqlarını qəhrəmanlıqla qarış-qarış azad etməkdədir. Qarabağ Azərbaycandır! İşğalçı Ermənistan haqsızdır, terrorçudur.

AZƏRTAC xəbər verir ki, bu fikirləri Milliyyətçi Hərəkat Partiyasının (MHP) sədri Dövlət Bahçeli partiyanın Türkiyə Böyük Millət Məclisindəki qrup toplantısında ifadə edib.

Ermənistanın atəşkəs qərarlarına əməl etmədiyini, hər dəfə qorxaqcasına arxadan zərbə vurduğunu, mülki və günahsız azərbaycanlıları qətlə yetirdiyini diqqətə çatdıran MHP sədri deyib: “Bir tərəfdən atəşkəs, dialoq və müzakirə çağırışı edən ölkələrin digər tərəfdən Ermənistana silah yardımı göstərməsi tarixin şahidlik etdiyi ən dəhşətli ikiüzlülükdür. Azərbaycana sülh mesajı verənlərin arxada Ermənistana “vur” deməsi zülmün oyunudur”.

Azərbaycanın apardığı əks-hücum əməliyyatlarının zəfərlə başa çatacağına əminliyini ifadə edən partiya sədri deyib ki, Dağlıq Qarabağ Azərbaycanın öz torpağıdır və mütləq işğaldan azad ediləcək.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.