REGİONLAR


Dövlət İmtahan Mərkəzi nəzarətçi müəllimlərin sertifikatlaşdırılması üçün imtahan keçirib

Gəncə, 6 fevral, Rauf Hacıyev, AZƏRTAC

Dövlət İmtahan Mərkəzi (DİM) Gəncədə nəzarətçi müəllimlərin sertifikatlaşdırılması üçün imtahan keçirib.

AZƏRTAC-ın bölgə müxbiri xəbər verir ki, zal nəzarətçilərinin sertifikatlaşdırılmasında əsas məqsəd imtahanların daha şəffaf idarə edilməsi və mənfi halların minimuma endirilməsidir.

Sertifikat əldə etmək üçün müraciət ünvanlayan 200 müəllimdən 140 nəfəri imtahanlarda iştirak edib. Onlardan 120-si uğurlu nəticə göstərərək növbəti imtahanlarda iştirak hüququ qazanıb. Məntiq və psixoloji test imtahanlarında uğur qazanan nəzarətçilər növbəti turda “ASAN xidmət” mərkəzində keçiriləcək təlimlərə qatılacaqlar. Sertifikat əldə edən nəzarətçi müəllimlər Dövlət İmtahan Mərkəzi tərəfindən təşkil olunan bütün imtahan proseslərinə cəlb olunacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.