ELM VƏ TƏHSİL


Dövlət İmtahan Mərkəzinin Direktorlar Şurasının sədri Naftalan şəhərində vətəndaşları qəbul edəcək

Bakı, 6 fevral, AZƏRTAC

Dövlət İmtahan Mərkəzinin (DİM) Direktorlar Şurasının sədri Məleykə Abbaszadə Naftalan şəhərində vətəndaşları qəbul edəcək.

DİM-dən AZƏRTAC-a bildirilib ki, qəbul fevralın 15-də saat 11:00-da Naftalan şəhər Heydər Əliyev Mərkəzində (ünvan: Naftalan şəhəri, Şıxəli Qurbanov küçəsi, 1) keçiriləcək.

Qəbulda Naftalan, Mingəçevir şəhər, Yevlax, Ağdaş, Goranboy rayon sakinləri və bu rayonlarda məskunlaşmış qaçqın və məcburi köçkünlər iştirak edə bilərlər.

Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri (http://eservices.dim.gov.az/sedrinqebulu/) və ya DİM-in Gəncə regional bölməsinə (Gəncə şəhəri, H.Əliyev meydanı) müraciət etmələri (əlaqə tel.: (022-256-50-67) xahiş olunur.

Bundan əlavə, qəbula yazılmaq istəyənlər fevralın 7-dən 14-dək (şənbə, bazar günləri istisna olmaqla) saat 10:00-dan 17:00-ə qədər Naftalan, Mingəçevir, Yevlax, Ağdaş və Goranboy rayon təhsil şöbələrinə də müraciət edib qeydiyyatdan keçə bilərlər.

Qəbula gələn vətəndaşlar şəxsiyyət vəsiqəsini təqdim etməlidirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.