CƏMİYYƏT


Dövlət Komitəsinin təşəbbüsü ilə qanvermə aksiyasına start verilib

Bakı, 12 aprel, AZƏRTAC

Ailə, Qadın və Uşaq Problemləri üzrə Dövlət Komitəsinin təşəbbüsü ilə “Qan verək, həyat bəxş edək” qanvermə aksiyası həyata keçirilir.

Dövlət Komitəsindən AZƏRTAC-a bildirilib ki, aksiya ölkədə karantin rejiminin tətbiq olunduğu müddətdə talassemiya və hemofiliya, eləcə də leykoz xəstəliyindən əziyyət çəkənlər üçün qan ehtiyatının yaradılmasına dəstək məqsədi daşıyır.

Bugünkü aksiyaya komitə əməkdaşları ilə yanaşı, vətəndaş cəmiyyəti nümayəndələri, komitə yanında İctimai şuranın üzvləri, “Bilik” xeyriyyə təşkilatı, “Səbail” Peşəkar Futbol Klubu, “Vəfa” Sosial Problemlərə Dəstək İctimai Birliyi, Ağsu İdman Mərkəzi, Respublika Qadınlar Cəmiyyəti, Qan Donorları Assosiasiyasının nümayəndələri və könüllülər qatılıblar.

Aksiya ölkədə elan olunan karantin qaydalarına uyğun olaraq, təhlükəsizlik tədbirləri nəzərə alınmaqla baş tutub.

Aksiya zamanı komitə tərəfindən hazırlanan maarifləndirici materiallar da iştirakçılara təqdim olunub.

Qeyd edək ki, Respublika Mərkəzi Qan Bankında baş tutan qanvermə aksiyası 2 gün davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.