CƏMİYYƏT


Dövlət Miqrasiya Xidmətində müşavirə keçirilib

Bakı, 12 oktyabr, AZƏRTAC 

Dövlət Miqrasiya Xidmətinin (DMX) müvafiq struktur bölmələrinin, regional miqrasiya idarələrinin və tabeliyindəki qurumların rəhbərlərinin iştirakı ilə xidməti müşavirə keçirilib.

DMX-dən AZƏRTAC-a bildiriblər ki, müşavirədə xidməti fəaliyyətin təhlili, qanunvericiliklə müəyyən edilmiş səlahiyyətlər çərçivəsində qarşıya qoyulmuş vəzifələrin şəffaf və operativ şəkildə həlli ilə bağlı müzakirələr aparılıb.

Dövlət Miqrasiya Xidmətinin rəisi Vüsal Hüseynov bildirib ki, Prezident İlham Əliyevin tələblərini rəhbər tutaraq qarşıya qoyulmuş vəzifələrin vaxtında və yüksək peşəkarlıqla yerinə yetirilməsi üçün hər bir miqrasiya əməkdaşı fəaliyyətini ciddi tələbkarlıq şəraitində və günün tələbləri səviyyəsində qurmalıdır. Ölkəmizdə miqrasiya ilə bağlı məsələlərinin operativ şəkildə həlli işinə, xidmət istifadəçilərinin məmnunluğunun və şəffaflığın təmin edilməsinə, xidmətin keyfiyyətinin yüksəldilməsinə diqqət daha da artırılmalıdır.

V.Hüseynov deyib ki, əcnəbilər və vətəndaşlığı olmayan şəxslərin rahatlıqlarının, şəffaflığının tam təminatı istiqamətində tədbirlər davam etdirilir. Azərbaycanın miqrasiya qanunvericiliyindəki dəyişikliklər də bu məqsədə xidmət edir. Odur ki, hər bir miqrasiya orqanı əməkdaşı üzərinə düşən vəzifə borcunu böyük məsuliyyət hissi ilə yerinə yetirməli, neqativ hallara yol aça biləcək nüanslara fürsət verməməlidir.

Xidmət rəisi vurğulayıb ki, DMX-yə müraciət edənlərin məmnunluğunun təmin olunması, miqrasiya proseslərinin tənzimlənməsi, daxili əmək bazarının qorunması kimi vəzifə və tapşırıqların müvəffəqiyyətlə yerinə yetirilməsi üçün miqrasiya orqanlarında xidmət aparan əməkdaşlar daha böyük səylə çalışmalıdırlar.

Sonra struktur bölmə rəhbərlərinin məruzələri dinlənilib.

Müşavirədə Xidmətin fəaliyyətinin daha da təkmilləşdirilməsi istiqamətləri barədə müzakirələr aparılıb.

Xidmət rəisi qaldırılan məsələlərin qanunvericiliyə uyğun həlli istiqamətində aidiyyəti qurumların rəhbərlərinə konkret tapşırıqlar verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.