Dövlət Miqrasiya Xidmətinin 919 - Çağrı mərkəzinə altı ay ərzində səkkiz mindən çox zəng daxil olub

Bakı, 7 iyul, AZƏRTAC

Dövlət Miqrasiya Xidmətinin (DMX) 919 - Çağrı mərkəzinə cari ilin altı ayı ərzində 49 min 249 zəng daxil olub.

Xidmətdən AZƏRTAC-a bildiriblər ki, onlardan 44 min 603-ü Azərbaycan dilində, 4 min 266-sı rus dilində, 380-i isə ingilis dilində cavablandırılıb.

Qəbul edilən zənglərin 13 min 210-u müvəqqəti yaşama icazəsi, 10 min 240-ı müvəqqəti olma müddətinin uzadılması, 5 min 870-i vətəndaşlıq məsələləri, 4 min 69-u iş icazəsi, 3 min 968-i olduğu yer üzrə qeydiyyat, 3 min 262-si daimi yaşama icazəsi, 8 min 630-u isə digər məsələlərlə bağlı olub.